موضوع متكامل عن القديس العظيم ابسخريون القللينى

كل ما يخص القديس العظيم ابسخريون القللينى

معنى اسمه :-

كلمة أبسخيرون مشتقة من كلمتين هما
"أبا " ومعناها أب , و " سخيرون "
والتى معناها "القوى " ..إذن معنى
اسمه هو أبو القوى

مولده

ولد بالقلين فى محافظة كفر الشيخ ,
وكان جندياً شجاعاً محبوباً له شهرة
واسعة ومكانة عظيمة بين رفقاؤه
ورؤساؤه من جنود الفرقة التى
كانت بأتريب وبنها ...

موقفه من منشور دقلديانوس :

أصدر دقلديانوس منشوراً بالذبح للأوثانفى كل
أنحاء الإمبراطورية وإذ أعلن المنشور بين الجند
.. رفض أبسخيرون التعبد للأوثان ..
فقام الوالى بلطمه وصار يوبخه أما هو
فألقى بمنطقة الجندية أمامه ,
وفى الحال أمر الوالى بسجنه ...

وماذا بعد السجن ؟؟؟

كان للقديس أبسخيرون أخان ..
عندما علما بسجنه .. جائا إليه ليبكيان
ويستعطفانه ليبخر للأوثان
ولكنه لم يستجب لدموعهما ..
وحدثهم عن الإيمان بالمسيح ثم صلى بحرارة
إلى الله , فظهر له ملاك ليسنده ويشجعه ..

وقُدم فى صباح اليوم التالى للمحاكمة
وصار الوالى تارةً يهدده وتارةً أخرى يلاطفه ..
وإذا وجده ثابتاً على إيمانه ..
قرر ترحيله إلى أريانوس والى أنصنا .

قيد القديس أبسخيرون القلينى
وتم ترحيله هو وأربعة آخرين على مركب ,
متجهين ناحية الصعيد .. فظهر له السيد المسيح
وهو فى السفينة المتجهة للصعيد , وفك قيوده ..
ولكن الجنود توسلوا إليه أن يقيدوه
حتى لا يتعرضون للموت ..
وعندما وصلت السفينة إلى أنصنا ..
عرفوا أن الوالى موجود فى أسيوط ..
فإنطلقوا إليه هناك ..

فى أسيوط

تعرف أبسخيرون على جماعة من المؤمنين
من أسوان وإسنا .. كانوا أيضاً قد حملوا
إلى أريانوس ليعذبهم .. فتعوا معاً .

وهناك أخرج القديس أبسخيرون القلينى
روحاً شريرة كان يعذب مشير الوالى مكسيمانوس
.. فآمن بالمسيح ونال إكليل الشهادة
على يد أريانوس..

عذابات القديس

- جلدوه بسياط مصنوعة من جلد البقر
وأطرافها بها دبابيس مدببة
لتقطع الجلد واللحم .
2- سلخ أجزاء من وجهه ومن فروة رأسه ..

3- ثقب كتفيه وجنبيه ووضع السلاسل
مكان تلك الثقوب ثم ربط القديس
فى خيل وجروه فى شوارع المدينة ..
وكانوا يعيرونه ويحتقرونه ويصيح
البعض أمامه قائلين : هذا جزاء من
لا يخضع لأوامر الملوك ولا يبخر للآلهة .

4- وضع القديس فى كيس من الرصاص
وقبل أن يسقط القديس فيه ..
إنحل قاعه وسال الرصاص منه
على الأرض بعيداً ولم يصب
أبسخيرون بأى أذى.

5- أمر الوالى بشد القديس فى المعصار
ولكن القديس رشم عليه الصليب
فتحطم المعصار وانشق نصفين ...

6- أمر الوالى الجنود أن يضعوا
القديس على سرير حديدي ويوقدوا
النيران من أسفله .. فصلى القديس قائلاً :
"يا ربي يسوع المسيح أعنى فأخلص "
.. وهنا جدف الوالى على إسم السيد المسيح .
. فقال له القديس " من أجل أنك
أنك تجرأت وجدفت على إسم السيد المسيح
الذى لا تعرفه ولا تؤمن به .. فسوف تلتهب
أحشاؤك بالنار لكي تعلم أنه الإله الحقيقى
وليس سواه .. وعندما انتهى القديس
من حديثه .. أتى للوالى خبر بوفاة ابنه ..

7- أمر الوالى بإلقاء جسد القديس فى
نيران المستوقد الخاص بالحمام ..
فوجدوا القديس يصلي ويسبح وسط
آتون النيران . وقد ظهر له
الملاك ميخائيل وقال له " يا أبسخيرون
تقوى لا تخف فإنك ستكلل بإكليل
الشهادة وتنضم إلى صفوف الشهداء
الأطهار بعد أربعة أيام ..

8-استدعى الوالى عظيم السحرة
ويدعى ألكسندروس وملأ له
الساحر كأس من السم ليشربه ..
فرشم عليه القديس أبسخيرون
القلينى الصليب على الكأس وشربها فلم تؤذيه
.. فبهت الساحر واعترف بإسم السيد المسيح
.. فأمر الوالى بقطع رأسه
ونال ألكسندروس إكليل الشهادة ..

9-أمر الوالى بسلخ جلد القديس
وإلقاء رصاص منصهر وزفت مغلي عليه ..

10-أمر الوالى بأن تحمى أسياخ حديدية
وأمر بأن يضعونها فى عينيه وأذنيه ..
ولكن الرب شفى القديس فى الحال ...

11-أمر الوالى بقطع ذراعي القديس.

إستشهاد القديس أبسخيرون القلينى :-

وأخيراً أمر الوالي بقطع رأس القديس أبسخيرون
.. فجثى على الأرض وصلى قائلاً :
" أسبحك وأمجدك وأشكرك يا سيدى
المحبوب يسوع المسيح يا من أدركتنى
بنعمتك وحسبتنى أهلاً أن أعذب
من أجل إسمك القدوس .. لا تنسانى
يا سيدى فى مراحمك .. لقد حملت صليبي وتبعتك
.. فلا تحسبنى غريباً عن بيعتك المقدسة ..
أعنى أنا الغير مستحق ولا تتركنى "
وأخيراً قطعت رأسه ..
واستشهد فى 7 بؤونة (14 يونيه )
مع خمسة من الجنود هم ألفيوس ,
أرمانيوس , أركياس , بطرس وقيرايون .

معجزة نقل الكنيسة

هي كنيسة القديس أبسخيرون القلينى
بكفر الشيخ والتى نقلها من مكانها
إلى البيهو بمحافظة المنيا بالصعيد ..
وهى لا تزال قائمة حتى الآن ..

بركة صلوات وشفاعة القديس العظيم
أبسخيرون القلينى فلتكن
مع جميعنا دائماً .. آمين

معجزات الشهيد العظيم :

رفض ذكر الاسم
روى هذه المعجزة عن الشهيد العظيم قائلاً :-ً
القديس أبسخيرون القلليني
عمل معايا معجزه كبيره جداً

كان ليا أوراق ممنوع تأشيرها وده
بسبب بطء الإجرائات في مكان ..
وقعد الورق حوالي أكتر من شهرين

وكانت أعصابي تعبانه جداً ...ابتديت اطلب القديس أبسخيرون القلليني

وتم التأشير على الورق بعد طلبي
وتشفعي بالقديس بفتره قليله

معجزة نقل الكنيسة

هي كنيسة القديس أبسخيرون
التي كانت بقلين (بمحافظة كفر الشيخ)،
نقلها القديس إلى البيهو بمحافظة
المنيا بالصعيد، ولا زالت قائمة إلى اليوم.

+ أعتادوا أهل قلين أن يعينوا ليلة
محددة من كل سنه لإقامة عددًا من
الزيجات معًا، ربما بسبب صعوبة
المواصلات في ذلك الوقت، ولتوافقها
بوقت جمع المحاصيل. وفي أحد هذه
الاحتفالات إذ كان محدد زواج سبع
زيجات وكان بالكنيسة حوالي مائة
شخص مجتمعين في الكنيسة ،
كان عدو الخير قد أثار المضطهدين
عليهم،ولما كانوا قادمين للهجوم على
الكنيسة علموا المؤمنين بذلك فأغلقوا
ابواب الكنيسة كلها وكانوا يتشفعون
دائما بالقديس أبسخيرون شفيع بلدتهم
وكنيستهم لكى ينقذهم من أيدى
هولاء الاشرار . وفي أثناء الليل قبل
أن ينفذ المضطهدون ما في نيتهم
نقلت الكنيسة بمن هم فيها إلى البيهو
بصعيد مصر وأنتقل معهم بئر المياه
والنخلة التى كانت أمام الكنيسة
( ومازال هذا البئر موجود الى الأن
امام الكنيسة ومياهة تصنع المعجزات).
وفي الصباح خرج الناس من الكنيسة
ليجدوا أنفسهم في بلد غير بلدهم
ولكن الكنيسة كنيستهم .
+ كان القديس يعلم ما سيحدث لكنيسته
لذلك قبل نقل الكنيسة بليلة واحدة ذهب
القديس الى البيهو ليشترى الأرض
الذى سينقل عليها كنيسته وبالفعل
أشترى الأرض من أحد الأعراب بدينار
ولكن كانت تلك الأرض عبارة عن كوم
من التراب ولان الله لا يرضى أن كنيسته
تنقل على أرض ليست نظيفة فأرسل
رياح شديدة أزالت تلك الأتربة وأصبحت
الأرض نظيفة جدا لكى تكون مستعدة
لأستقبال الكنيسة عليها غدا
( المجد لك يا رب يا صانع العجائب )
+ نرجع مرة أخرى للمؤمنين الذين كانوا
بالكنيسة واصبحوا فى بلد أخرى .
كان لهم مشكله وهى كيف سيرجعون
مرة أخرى الى بلدهم قلين والى بيوتهم ..
فظهر لهم القديس دون أن يعرفوه،
وعرض عليهم مساعدته فأخذهم الى
شاطئ النيل، وأجر لهم مركب على
حسابه لكى يوصلهم الى قلين وكانت
المسافة تستغرق من البيهو الى قلين
بالمركب حوالى عشر أيام ولكنهم
وصلوا فى يوم واحد وعند وصولهم
اختفى القديس من وسطهم فعرفوا انه
الشهيد العظيم شفيعهم أباسخيرون القلينى
، فتعجب صاحب السفينة وآمن بالمسيحية
، ونذر ان مكسب كل يوم يعطى نصفة
الى كنيسة أباسخيرون القلينى
( وتوجد أجزاء من هذه المركب بالكنيسة ايضا )
و لما وصلوا المؤمنين الى بلدهم قلين
لم يجدوا الكنيسة بالطبع لأنها نقلت
الى البيهو، ولكن وجدوا مكانها بركة
ماء موجودة حتى الأن وتسمى بحيرة القليني.

ربما يسأل البعض لماذا البيهــو بالذات ؟

يحكى التقليد أن القديس أباسخيرون الجندى
حينما اخذ للتعذيب من أتريب الى
أنصنا رست السفينة بالقرب من
قرية البيهو وظهر له السيد المسيح
على سطح السفينة عند قرية البيهو
تقريبا وقال له :
( لا تخف يا حبيبى أباسخيرون أنا معك وأقويك )
وتجمدت المياه ولم يستطيعوا
الجنود تحريك السفينة فأكرمه
أهل البيهو فقال لهم القديس
لو سمح الرب لي وأراد أن يذكر
أسمى سوف تصير لى فى بلدتكم كنيسة

القديس يطلب التشفع به

تلك المعجزة التى حدثت معه
حدث لى مغص كلوى شديد جدا
وبعض الفحوصات والتحاليل
كان التشخيص هو وجود نسبة أملاح عالية
+ نسبة أوكسيلات . قال لى د/رفعت
لا تخف يا أبونا دول شوية رمله
بسيطة وسوف ينزلوا ان شاء الله
بعد أخذ العلاج الكثير المكتوب
بالروشتة وذهبت الى المنزل
وبعد زوال مفعول السرنجات
رجع لى أيضا المغص الكلوى
مرة أخرى ولم أتبول لمدة يومين
مما رفع نسبة البولينا وشعرت
بضيق شديد وصرخت الى العذراء مريم
ومارمينا والبابا كيرلس
والشهيد أبانوب وأبونا عبد المسيح المناهرى
وهم شفعائى وأنا فى أخر ضيق
أطلب من ربنا والقديسين أن يسرعوا
بنزول البول المخزن عندى وقضيت
ليله كلها ألم وفجأة ظهر لى أحد القديسين
راكب على فرس أبيض
وعلى رأسة تاج عظيم وبيده حربة طويلة
فى أعلاها صليب كبير من نور
وقال لى : " أنت بتطلب كل القديسين
والعذراء مريم ولم تطلبنى أنا "
فقلت له أنا لم أعرفك فقال لى :
" أنا القديس اباسخيرون القلينى
اللى نقلت كنيستى من قلين للبيهو
وأنا يا ابونا زعلان من ناس كتير
علشان الناس بتطلب العذراء مريم
والقديسين ومش بتطلبنى مع انى
أنا اتعذبت أكتر من قديسين كتير
أنتم بتطلبوهم وأنا قاعد فى السما
من غير شغل " فقلت له أنت
غاير لما الناس بتطلب العذراء
والقديسين فقال لي القديس "
أنا مش غاير ولكن أنا عايز
أمجد أسم ربنا على أيدى "
فقلت له أعمل معايا معجزة
وأنا أحدث الناس عنك فقال لى :
" أنت يا ابونا عندك ثلاث حصوات
" وفجأه أختفى القديس .
وفجأه ذهبت الى دورة المياه لكى
الرب يتحنن وينزل البول المخزن
وفعلا حدثت المعجزة . البول تدفق
بغزارة شديدة وشعرت براحة
وسعادة وشكرت ربنا والقديس
أباسخيرون القلينى على المعجزة
وقلت للأسرة وكل الناس الذين
راونى قلت لهم أن القديس اباسخيرون
أخرج لى الحصوات وفعلا ذهبت
الى المستشفى لاجراء الفحوصات
والتحاليل مما أذهل الطبيب د/رفعت
وقال لى بسرعة كدة يا ابونا نزلوا
الحصوات والأملاح ...ماذا حدث ؟
فشرحت له المعجزة وأنا والحمد لله
أشكر ربنا على معجزاته بواسطه
قديسيه القديس أباسخيرون القلينى
الذى أطلب صلاته دائما وهو يطلب
منكم التشفع به بأيمان وسوف ينفذ
طلباتكم لو كانت لصالحكم

أبسخيرون القللينى وشفاعته القوية مع الطلبة

الاسم | م . إ
تروى لنا معجزة أقامها الله لها على يد الشهيد العظيم أبسخيرون القللينى

أثناء دراستى فى السنة النهائية من
الكلية التى كنت ملتحقة بها
وكنت من الطلبة المتفوقين
الحريصين على مستقبلهم

و دراستهم لتحقيق اهدافهم المستقبلية
التى تحطمت من بعد ما حدث

إن كان الرب معنا .. فمن علينا ؟

كان فى عندنا مادة سهلة جداً ومحتواها
مش كبير لكن كان معروف عن الدكتورة
اللى بتدرس المادة دى أنها لازم تنزل

45 % من الدفعة اللى هى بتدرسلهم
المادة دى بشرط أن يكون النسبة
دى اغلبهم من المسيحيين
واللى بيشيلها ما بينجحش فيها غير
بعد تلات سنين وينجح بعد كدا ويتخرج
ده إذا اتخرج يعنى لأنى شفت بنفسي
نماذج كتير وبنسب كبيرة من الناس
اللى شالو المادة دى تلات سنين فعلاً

فى العالم سيكون لكم ضيق .. ولكن ثقوا أنا قد غلبت العالم

المهم امتحنت فى التيرم الاول كل المواد
وحليت كويس جداً وظهرت النتيجة ولقيت

أن كل المواد عندى تقديراتها بتتراوح
ما بين جيد وجيد جداً
ولكن الكارثة الكبيرة إنى لقيت نفسي
شايلة المادة دى

انهارت وتعبت نفسياً جداً

إحساس صعب جداً ان حد يكون
ناجح طول حياتو وييجى مرة واحدة
يلاقى نفسو مستقبلو ضاع
وده طبعاً لأنى فى الليسانس ودى
اخر سنة ولو امتحنت المادة دى
نتيجتى هتطلع دور سبتمبر
وخلصت السنة ونجحت فى كل المواد
بتقديرات عالية بس للأسف
المادة دى مترفعتش
إتضايقت للمرة التانية لأنى كان
عندى أمل كبير انها تترفع ونتيجتى
تطلع كويسة .. صعب جداً ان اى
انسان يبنى آمالو على حاجة مش هتحصل

ادعونى فى وقت الضيق .. أنقذك فتمجدنى

كنت ساعت النتيجة قاعدة فى أوضتى
منهارة مبكلمش حد خالص وقعدت
أعاتب ربنا وأقوللو يارب دنا
مقصرتش وإنت عارف ..
أنا يارب مش عارفة أتصرف ازاى ..
دنا مليش أب تانى غيرك
وفى وسط منا منهارة قريت معجزة
عن الشهيد أبسخيرون القللينى
ومكتوب ان أبونا بيقول إن أبسخيرون
زعلان اوى علشان محدش بيطلب
شفاعته زى بقية القديسين ....

بصيت لصورتو الموجودة
فى اوضتى وقعدت أعاتبو

مش انت عاوز تعمل معجزة ؟
انا محتاجالك ... الدكتورة دى
صحيح مضطهدانا لكن إنت
اتحملت اضطهادات وعذابات كتيرة
أكبر من اى اضطهاد او ضيقة انا بمر بيها

بضيقات كثيرة ينبغى أن ندخل ملكوت السموات

وجه وقت الامتحان وقعدت أذاكر
وانا يائسة ومحبطة وكان الشيطان
مش سايبنى و بيحاربنى ..
وعمال يقوللى إيه فايدة مذاكرتك
منتى كدا كدا شايلاها شايلاها

بجد كنت تعبانة نفسياً أوى ومكنتش
حتى عارفة أنا هدخل لجنة الامتحان
وأحل ايه تانى فى الورقة زيادة
عن اللى حليتو قبل كدا

صليت لربنا وانا بعيط وعينيا مليانة
دموع وبقوللو يارب متسيبنيش
وايدك تكون قبل ايدى .. انا صحيح يارب
خاطية لكن انت يارب لم تأتى لتدعو
ابراراً بل خطاة إلى التوبة
ودخلت اللجنة وكان الامتحان سهل
اوى بس المشكلة إنى ضعفت ثقتى
فى نفسي من التجربة الأولى خلانى مش مركزة
ندهت على ابسخيرون القللينى
واتشفعت بمارمينا والبابا كيرلس
وحليت فى الورقة كمان حل مختصر
مش زى المرة الاولى خالص
وبعد مرور شهور
طلعت النتيجة والمفاجأة انى نجحت
فى المادة دى من أول مرة
مع العلم انى المفروض أنزل فيها
تلات مرات وأنجح الرابعة
تفتكرو ده بسبب إيه ؟
بسبب محبة ربنا الكبيرة لأولادو اللى
ملهومش غيرو وملهومش فى الدنيا
أى شئ غير محبتو الكبيرة
اللى بتساندنا وقت آلامنا وتقومنا من
ضعفاتنا بشفاعة أحباؤه القديسين ..
ده هو أبويا الوحيد اللى بيحمينى لما بلتجئ إليه

وصدقونى ياجماعة

جربوا تطلبوا شفاعته وبجد هتلاقوا
اسرع استجابة لصلواتكم

تمجيد القديس ابسخيرون القليني

فى كنيسة الغالبين مع الرائى الامين
فى وسط القديسين بى اسؤواب اباسخيرون
فى موضع السلام بمنتهى الاكرام
بعد اشد الالام بى اسؤواب اباسخيرون
فى مسكن التهليل اعطاك الله اكليل
ليس له مثيل بى اسؤواب اباسخيرون
ولدت فى قلين تذكار اسمك ثمين
فى قلوبنا فى كل حين بى اسؤواب اباسخيرون
فى زمان دقلديانوس اعترفت بالقدوس
مؤمن بالرب ايسوس بى اسؤواب اباسخيرون
لم تسجد للاوثان وهى وكر الشيطان
لم تنكر الايمان بى اسؤواب اباسخيرون
بكلامك النفيس انتصرت على ابليس
طوباك يا قديس بى اسؤواب اباسخيرون
قوى فى ثباتك غظيم فى شجاعتك
اذكرنا فى طلباتك بى اسؤواب اباسخيرون
صليت لالههك فاؤسل لك ملاك
شجعك وقواك بى اسؤواب اباسخيرون
فى محاكمتك و عدوك بمباهج الملوك
لانصنا ارسلوك بى اسؤواب اباسخيرون
انحلت القيود فى السفينة امام الجنود
فكانوا هم شهود بى اسؤواب اباسخيرون
عذبك الوالى باضطهاد خيالى
سال دمك الغالى بى اسؤواب اباسخيرون
احتملت اشد الالام طرحوك فى نار الحمام
امضيت سته ايام بى اسؤواب اباسخيرون
كنت تسبح الله الممجد فى علاه
خلصت من الولاة بى اسؤواب اباسخيرون
عظيم فى اعمالك حتى فى اهوالك
الله قد شهد لك بى اسؤواب اباسخيرون
احضروا لك ساحر فى دهائه ماهر
اعطاك سما نادر بى اسؤواب اباسخيرون
صليت و رشمت الصليب واتكلت على الحبيب
وشربت بثبات عجيب بى اسؤواب اباسخيرون
اعترف الساحر امام الملك الكافر
و اخذ اكليل باهر بى اسؤواب اباسخيرون
فى بؤونة يوم سبعة شهادتك لها شمعة
والكنيسة مجتمعة بى اسؤواب اباسخيرون
فى كنيستك بقلين كان الناس مجتمعين
بسر الزيجة فرحين بى اسؤواب اباسخيرون
طلبوك باصرار وقت هجوم الاشرار
نجيتهم من الاخطار بى اسؤواب اباسخيرون
بنقلك البيعة الى البلدة البيهو
فهللوا و فرحوا بى اسؤواب اباسخيرون
هذه احدى الايات تشهد بعظم القوات
اذكرنا فى الصلوات بى اسؤواب اباسخيرون
اطلب من اجلنا يا شفيعنا كلنا
من الشر نجنا بى اسؤواب اباسخيرون
تفسير اسمك فى افواة كل المؤمنين
الكل يقولون يا اله اباسخيرون اعنا اجمعين

الاسم:غير مسموح بكتابة الاسم
ويقول :
انه فى عام 2001 التحقت بالكلية
الاكليرية بالمنيا وهى كلية مسائية
وكانت طريق مواصلاتى من مغاغة
الى المنيا هو القطار حيث انه اسهل
واسرع وانا فى الطريق كانت تقابلنى
كنائس كثيرة فكنت ارشم ذاتى بعلامة
الصليب واصلى ابانا الذى .......
واتشفع بقديس الكنيسة ومن بين
هذه الكنائس كنيسة تقع فى قرية
ما بين مركز سمالوط وقرية اطسا
(قرية البيهو /كنيسة الشهيد العظيم اباسخيرون القلينى ) .
ولكن انا لم اكن اعرفها ولا اعرف
قديس هذه الكنيسة ولكن كعادتى
ارشم الصليب واقول فى داخلى
(كنيسة مين يا ترى ) ومر عام على
كل هذا وفى نهاية هذا العام وعند
رجوعى من الامتحانان وكان هذا
بالتحديد فى اخر يوم مريت على هذه
الكنيسة فقلت بصوت عالى
(يا ما نفسى اعرف كنيسة مين دى يا ترى )
وفى نفس اليوم وبعد رجوعى الى منزلى
وانا على فراش النوم
يحدث لى العجب فى رؤيا:-
لقد رايت الكنيسة التى كنت امر عليها
(كنيسة الشهيد اباسخيرون القلينى التى بقرية البيهو )
بنفس منظرها وعلى قبة الكنيسة
قديس عجيب راكب على حصان
ابيض وماسك فى يديه سيف
من نار ويحارب به الشيطان
وسالته مين انت؟ اجابنى انا
القديس اباسخيرون القلينى قديس
الكنيسة اللى انت بتعدى عليها
وفى كل مرة بتسالنى كنيسة مين ياترى؟
فاستمر هذا المنظر حوالى 1/4 ساعة
تقريبا ثم اختفى ثم اسرعت
بالدخول الى هذه الكنيسة
فوجدت خادمة فسالتها عنه وكان
جسد القديس فقالت لى
(انه داخل الكنيسة وامام هيكل
السيدات اذهب واتبارك منه).
وفعلا دخلت وعند وصولى الى
الجسد اشتميت رائحة بخور جميلة
لم اشتمها من قبل وبدموع
غزيرة طلبت شفاعته وطلبت منه
عدة طلبات كان من ضمنها انه يتشفع
من اجلى لكى يرزقنا ربنا بولد
حيث كان عندى ثلاث بنات .
وفى نفس الوقت رات زوجتى رؤيا
حيث انها رات صليب من نور
نازل من السماء ومكتوب عليه
(اباسخيرون القلينى )فطلبت شفاعته
وطلبت ايضا ان يرزقنا ربنا بولد .
وفى صباح ثانى اليوم اخبرتنى
زوجتى بهذه الرؤيا .
ثم اخبرتها انا ايضا بنفس الرؤيا
وبنفس القديس (اباسخيرون)
الذى رايت اسمه على الصليب
فقلت لها ليباركنا الله ودى اكيد
علامة من عند ربنا فقالت لى
( لو ربنا اعطنا ولد هاعمل صليب
بالخرز بيدى واعطيه لكنيسة
القديس اباسخيرون القلينى بالبيهو ).
وفعلا يا اخوتى تمر شهور ويرزقنا
ربنا بولد جميل فنشكر ربنا على
عطيته ونطلب منه ان يبارك لنا
ويجعله نسلا طاهر مباركا .
فشكرا لك يا ابى القديس
العظيم اباسخيرون القلينى على محبتك
الكبيرة لنا .
بركة صلاة وشفاعة القديس
اباسخيرون تكون معنا امين
__________________

ابو قرقاص المنيا

تزوجت وكاي انسانه اريد
ان افرح واكون ام
ولكن لم يحدث لي حمل علي
الاطلاق
فلجات الي الطب
والتحاليل واجريت عده عمليات
طمعا في ان يعطيني الرب
طفل او طفله
لاكمم افواه المتقولين
علي
ولكن كانت مع طلعه كل
شمس
تملاء المراره حلقي
واقوله ليه يا رب
انا نفسي اكون ام
نفسي يكون ليه طفل
نفسي اكون ام زي باقي
الناس
تعاطيت العقاقير
بالوصفات البلديه
ولجات للعرافين والبعض
يقولي
القرين مش عايزك تخلفي
انتي مربوطه عن الخلف
وانا في داخلي غير
مقتنعه
واقول كله تخاريف كله
بايد ربنا
وياست وفشلت بعد 21 سنه
تعب
بلا نجاح ولا نتيجه
لجات الي الله الي
الاديره
والكهنه والكنايس
الي ان هداني الله الي
شفيع عظيم
في محافظه المنيا
الشهيد العظيم ابسخيرون
القليني
ذهبت لزيارته في البيهو
وشربت من ماء البير
ونذرت نذر
ان اسمي الطفل علي اسمه
لو شفع في
الشيئ الغريب انني اثناء
عودتي
من عند الشهيد ابسخيرون
كنت كاني طايره فوق
الارض
كاني امشي في الهواء
احساس عجيب لم اشعر به
من قبل
شعرت ان ضربات قلبي زادت
اريد ان يكلمني احد
ولا اريد ان اكلم احد
رجعت الي منزلي
واخرجت من دولاابي بعض
القماش الجديد
لكي اجهز ملابس طفلي
الذي سالده
بشفاعه الشهيد ابسخيرون
القليني
ومن ذلك اليوم لم تاتيني
عاده النساء
المعجزه المفاجئه ذهبت
الي الدكتوره
اجرت لي اختبار حمل
وقالت لي مبررروك
انتي حامل
لم اصدق اذاني
معقول
بعد 21 سنه زواج
لقد دب الشيب في شعر
زوجي وشعري
لم اصدق
انهرت في البكاء
وصرخت شكرا يا قليني
شكرا يا قليني
ولما جاءت ساعه الولاده
وسالوني المولود ولد
ها تسميه ايه
تحيرت ولم ارد ان انكث
العهد
ولكن رايت ان كلمه
ابسخيرون صعبه
قررت تسميته قليني
وهي تعني ابسخيرون
القليني
ولا تؤاخذني يا سيدي
القديس انت شفيع محب
تجبر بخاطر الغلاابه
المكسورين الخاطر
شكرا يا سيدي الشهيد
ابسخيرون القليني

تمجيد للشهيد العظيم ابسخيرون القلينى CTV

مديح القديس العظيم ابسخريون القليني

مديح الشهيد ابسخيرون القليني أغابي

ترنيمة من قلين الى البيهو للشهيد ابسخيرون القلينى

كنيسة الشهيد العظيم ابسخيرون القلينى فى البيهو

سيرة ومعجزات الشهيد ابسخيرون القلينى من معجزة

فيلم الجندى الشجاع القديس ابسخيرون _حصرى كامل

قديس المعجزات ابسخيرون القلينى

كنيسة الشهيد العظيم ابسخيرون القلينى المنقولة

ترنيمة للشهيد ابسخيرون القليني

» موضوع متكامل عن القديس يوحنا المعمدان
» موضوع متكامل عن القديس الانبا شنودة رئيس المتوحدين
» موضوع متكامل عن القديس العظيم البابا كيرلس السادس
» كل شئ عن الشهيد العظيم مارجرجس موضوع متكامل
» كل شئ عن الشهيد العظيم مارجرجس ... موضوع متكامل