منتدى كنيسة مارجرجس بالمدمر
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي



 
الرئيسيةالبوابةاليوميةمكتبة الصورس .و .جبحـثالتسجيلدخول

شاطر | 
 

 البابا لاينسى اولاده ويشعر بهم دائما

اذهب الى الأسفل 
كاتب الموضوعرسالة
ابو ماضى
Admin
Admin
avatar

عدد المساهمات : 4763
تاريخ التسجيل : 27/02/2010
العمر : 45

مُساهمةموضوع: البابا لاينسى اولاده ويشعر بهم دائما   الإثنين مايو 21, 2012 9:21 am


البابا لاينسى اولاده ويشعر دائما المعجزة دى حصلت معايا شخصياالبابا لاينسى اولاده ويشعر دائما

فى البداية انا مااستحقش ان تحصل معايا معجزة لكن اقدر اقول دى محبة ربنا لاولادة وشفاعة حبيبى البابا شنودة فى رفع الصلوات لربنا فى كل وقت لكن دى معجزة بكل المقاييس لقداسة البابا

+الحكاية انى من زمان اوى نفسى اروح
احضر لقاء للبابا شنودة اللى كان بيعمة يوم الاربعاء من كل اسبوع وكنت
مشتاق جدا انى اسلم علية واخد بركتة لكن بالنسبة لظروف شغلى وسفرى دايما
عمرها ما جاتلى الفرصة دى وكنت كل ما انزل اجازة واشوف له لقاء على
التليفزيون اللى كان بيعمله كل اسبوع كنت بحرص جدا انى اتابعه وكنت دايما
اتكلم مع نفسى واعاتب البابا
شنودة واقولة : بقى كدة يابابا شنودة مش عايز تخلينى اشوفك واخد بركتك
ويبقى جوايا دموع لكن مش قادر اطلعها علشان اللى بيسمعوا العظه معايا وكانه
قدامى وسامعنى فعلا وتمر فترة من الزمن وهو اللى ييجى لحد عندى فى نفس
البلد اللى بشتغل فيها علشان يدشن كنيسة فيها فى سنة 2011السنة اللى فاتت
وقمت بدرى جدا قبل ميعاد الشغل لكن ما كنتش متصور انى هلاقى العدد الهائل
اللى كان مستنى علشان يشوف قداسة البابا لان البلد سياحية يعنى مش زى اسكندرية ولا العباسية اللى مليانين من احباء البابا
ولصعوبة الوصول لدخول الكنيسة من كثرة الزحام وممنوع الدخول بدون كارت
دعوة من الكنيسة لكن مافقدتش الامل انى اشوفة وكان فى واحد صاحبى هو اللى
قالى واتقابلنا هناك وتبادلت معه الدعوى علشان اقدر ادخل ولحد ما قدرت اخل
كانت الكنيسة امتلات ومفيش مكان وقفلوا ابواب الكنيسة علشان الزحمة اللى
برة الكنيسة ومفقدتش الامل بردو انى اشوف البابا
وكنت متوقع انه جاى مخصوص فى الوقت ده علشان اشوفه وفعلا قدرت ادخل لكن
فى الطابق الثانى للكنيسة وكنت شايفه بس من بعيد وكان كل مايرفع راسة لفوق
وينظر للناس كنت حاسس انه بيبصلى ويقولى انت مش قادر تجيلى انا اهو جيت لحد
عندك .


+لكن برغم انى كنت سعيد لتحقيق
امنيتى على قد ما كنت زعلان جدا علشان مقدرتش اسلم علية واقبل ايدية واخد
بركته وفضلت الزيارة دى شغلى الشاغل للمحاولة مرة تاني انى فى ميعاد اجازتى
اروح الكاتدرائية واحضر اللقاء الاسبوعى واسلم عليه واخد بركته لكن فى كل
اجازة كان يحصل اى شئ يمنعنى ونظرا لانى اجازتى لا تتخطى 7 ايام فقط واسافر
مرة تانيه واخر اجازة كانت ليا قبل نياحة البابا
28/2/2012 وشوفت اللقاء الاسبوع على التليفزيون وشكرته انه خلانى اقدر
اشوفه لكن عاتبته مرة تانيه علشان مخلانيش اسلم عليه ويدينى بركتة وعملت زىالترنيمة اللى بتقول لن اتركك اذ لم تباركنى
فى محاولات كثير ة مع نفسى كى اجد الفرصة واقدر اشوفه تانى وانال بركته
لكن هو دايما اللى كان بيسبق ويجينى وقبل نياحته بحوالى اسبوع او عشرة ايام
جالى مرة تانيه وسلمت عليه واتكلم معايا لكن كان فى حل شبيه للرؤيا .


+لكن بعد ما قومت من النوم ما افتكرتش اى حاجة فى الحلم غير انى شوفته وسلمت عليه وادانى بركته وده تاكيد ان البابا
كان دايما حاسس بينا وبكل تعبنا ومع ذلك كان دايما يخفف عنا الالم ده
برغم كل الامه وتعبه فى الحياة من اجل اولادة فى ضحكته البريئة والصافيه
مثل الاطفال كما يقول الكتاب (الحق اقول لكم : ان لم تصيروا مثل هؤلاء الاطفال لا تقدروا ان تروا ملكوت السماوات )البابا عاش فى وسطينا بالحب والسلام والحنية والعطف فى عالم لايعرف معنى كلمة محبة ومنزوع السلام والامان وملئ بالالام .


وبعد كل ده انا واثق ان البابا هيفضل دايما معانا ويحمينا من كل المخاطر اللى كان دايما هو المانع الحصين لكل اولاده
وشعبه طوال حياته ولا احد مهما كان يقدر ان يفرقنا من نسيج المحبة
المسيحية فى المسيح يسوع كل هذا وهو معنا على الارض بالفكر المحدود فكم وكم
وهو الان مع الله الغير محدود. واخيرااسمح لى يا قداسة البابا اقدر اقولك وداعا لان ارق ما فى الوداع الامل فى اللقاء مع ربنا ومخلصنا يسوع المسيح


( اذكرنا يا ابانا القديس البابا شنودة امام عرش رب المجد كى يرحمنا نحن الخطاة ويغفر لنا كل خطاياناآآآآآآآآآآآآمييييييييييين )



منقوووووووووووووووووووووول

_________________
الرجوع الى أعلى الصفحة اذهب الى الأسفل
http://marygrgs.ahlamontada.com
 
البابا لاينسى اولاده ويشعر بهم دائما
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كنيسة مارجرجس بالمدمر :: البابا شنودة :: معجزات قداسة البابا شنودة-
انتقل الى: